దొందూ దొందే!
తండ్రి : అబ్బాయి నచ్చాడా అమ్మా!
కూతురు: నచ్చాడు కానీ కొంచెం.. నవ్వినప్పుడు పళ్ళు ఎత్తుగా కనిపిస్తున్నాయి నాన్నా!
తండ్రి : నిన్ను చేసుకున్నాక ఇంకెక్కడ నవ్వుతాడు లేమ్మా, ఈ సంబంధాన్నే ఖరారు చేస్తాను.
:):):)
పేరయ్య: అమ్మాయి నచ్చిందా, బాబూ?
అబ్బాయి: నచ్చింది, కానీ ఒక్కటే సమస్య.. నవ్వినప్పుడు పళ్ళు ఎత్తుగా కనిపిస్తున్నాయి గదండీ.
పేరయ్య : నిన్ను చేసుకున్నాక ఇంకెక్కడ నవ్వుతుంది లేవయ్యా, ఈ సంబంధాన్నే ఖరారు చేస్తాను.
మెడల్ కొట్టేశా!
కొడుకు(ఫోన్లో): నాన్నా! నేను చైనా ఒలింపిక్స్ లో గోల్డ్ మెడల్ కొట్టేశాను. ఒక ఐదు లక్షల రూపాయలు పంపించు.
తండ్రి: చాలా సంతోషం నాయనా, ఇప్పుడెక్కడున్నావు?
కొడుకు: చైనాలో నన్ను వీళ్ళు జైల్లో పెట్టారు నాన్నా. ఇప్పుడు అక్కడే ఉన్నాను.
తండ్రి (గాభరాగా): అదేంటిరా! గోల్డ్ మెడల్ కొట్టిన వాళ్లని జైల్లో పెడతారా వాళ్ళు?
కొడుకు(అమాయకంగా): అదే నాన్నా, నేనూ అడుగుతున్నాను. పక్కవాడికి వచ్చిన మెడల్‌ను కొట్టేస్తే జైల్లో పెడతారట ఇక్కడ! నాకేం తెలుసు ఆ సంగతి?
హోటల్ బేరం!
హోటల్లో పనిచేసే వెంగళప్ప కోర్టుకు వెళ్ళాడొక సారి-
జడ్జి: ఆర్డర్, ఆర్డర్......
వెంగళప్ప : దోసె, వడ, ఇడ్లీ, ఉప్మా, పూరీ ....
జడ్జి : షటప్.
వెంగళప్ప: అది లేదు సార్! సెవెన్ అప్ మాత్రం ఉంది- తెమ్మంటే తెస్తాను.
సంక్రాంతి కాలం!
భర్త : ఇంత రాత్రి మేడపైన కూర్చుని ఆకాశంలో చుక్కలు చూస్తూ ఏం ఆలోచిస్తున్నావు?
భార్య: ఆకాశంలోని చుక్కలన్నింటినీ కలిపితే ఎంత ముగ్గవుతుందా అని!
తప్పయిందే!
అమ్మ: పండూ ! డబ్బాలో నాలుగు మిఠాయి లుండాలి , ఒకటే ఉందే?
పండు: అరెరే! ఇంకోటి ఉందా, నేను మూడే తిన్నానే మరి?!
ఒకటే మార్గం!
హరిని: ఏమండీ! ఇక్కడ సుబ్బారావు గారి హాస్పిటల్ కు ఎలా వెళ్లాలండీ?
గిరి (కోపంగా): ఏదో ఒక రోగంతోనండీ.
అబద్ధం!
లాయర్ : యువరానర్ ! ఈ ముద్దాయి హత్య చేస్తునప్పుడు మొత్తం కాలనీ కాలనీ అంతా చూసింది.
యుద్ధాలు : ఈ లాయరప్ప అంతా అబద్ధమే చెబుతున్నాడు సార్! నేను ఎవరూ చూడకుండా అన్ని ఏర్పాట్లూ చేసుకున్నాను!
పేరు కుంపటి!
బ్రహ్మనందం: ఏంట్రా ! వేరు కుంపటి పెట్టావట, ఏమైనా గొడవలా?
సునీల్: కుంపటి ఎక్కడుందిరా, అది దొరక్క గ్యాస్ పోయ్యే పెట్టుకున్నాను.
గొడుగు భద్రం!
తల్లి: ఒరేయ్ వానలో తడుస్తూ వెళుతున్నావ్- గొడుగు తీసుకెళ్లరా!
కొడుకు: అమ్మో, కొత్త గొడుగు తడిసిపోదూ...!
మ్యాజిక్కు!
ప్రొప్రయిటర్: ఆ మెజీషియన్ ని ఎందుకు రానిచ్చావయ్యా, మన హాటల్ కి ?
సర్వర్: ఏమైంది సార్?
ప్రొప్రయిటర్: భోం చేసి డబ్బులివ్వకుండా మాయమై పోయాడు- ఇప్పుడేం చేద్దాం?
చిలిపి ప్రశ్నలు-తిక్క జవాబులు
ప్రశ్న: తెలివైన గవర్నమెంటు ఉద్యోగి ఆఫీసుకు ఎందుకు వెళ్తాడు?
జవాబు: నిద్రపోయేందుకు.
ప్రశ్న: నేటి రాజకీయ నాయకుల ఆలోచనా స్థితి ఎలావుంది!?
జవాబు: దూరాలోచనకు తక్కువ; దురాలోచనకు ఎక్కువ!!
ప్రశ్న: తెలివైన టి.వి. ఛానల్ యజమాని ఏం చేస్తాడు!?
జవాబు: మధ్యాహ్నం "మా ఛానల్ వంట" కార్యక్రమం తర్వాత స్టాఫ్ కి "ఉచిత భోజన సౌకర్యం " అని ప్రకటిస్తాడు!!