అమ్మే ఈ జగతికి తొలి సూర్య కిరణం
అమ్మ మనసు చల్లనైన జాబిలిరూపం(2)

అమ్మమాట మల్లెల మకరందపు మూట
అనురాగం పంచేటి అక్షయ తోట
అమ్మ అన్న ఆ పిలుపే బంగారం
అమ్మ చేసిన బొమ్మే మెడలో మణిహారం
|అమ్మే|

ఈనాటికి ఏనాటికి అమ్మపిలుపే కోటి
ఆ పిలుపుకు లేదులే ఇలలో సాటి
అమ్మచూపు నా చూపుకు చుక్కానిరా
అమ్మపాటే జోలపాటై నాపాటకు పల్లవిరా
|అమ్మే|

కనిపించే మా అమ్మే మా దైవము
కనిపించని దైవానికి మా అమ్మే దైవము
ఈ జన్మలొ ఏ జన్మలొ జన్మించినా
మా అమ్మ ఒడిలో నే బిడ్డనేరా
|అమ్మే|