చుక్కల రాణులు చక్కనివారు
మక్కువ తోటి వస్తుంటారు
మనసు దోచే మణులుర వారు
మంద మందలుగ ఉంటారు

తారలు వారు తక్కువ కారు
తీరు తీరులుగ ఉంటారు
నింగిని మెరిసే తళుకు బెళుకులు
నంగి నంగిగా వస్తారు

చిన్నా చితక పెద్దాపరక
చెకుముకి రాళ్ళుర వారు
కన్నుగీటి కవ్వించేటి
కలువ భామలుర వారు

నక్షత్రాలు ఇరవయ్యేడు
నాణ్యముగా కనిపిస్తారు
చంద్రుని చుట్టు ఉండేవారు
చుక్కల భామలు వారు

ఎక్కడెక్కడో ఉంటారు
నిక్కి నిక్కి చూస్తుంటారు
తెల్లవారగనే వెల వెల బోతూ
వెళ్ళిపోతారు వారు

చుక్కల రాణులు చక్కనివారు
మక్కువ తోటి వస్తుంటారు
మనసు దోచే మణులుర వారు
మంద మందలుగ ఉంటారు