నామనోహర రామచంద్రా నాదుకోర్కెను తీర్చుమా
పర్ణశాలకు వచ్చెను బంగారు లేడిని చూడుమా

సుందరంగా లేడి కన్నులు చుక్కలు కాబోలును
చెవులు శృంగారమ్ములు దాని కొమ్ములే విలునమ్ములు
|నా మనోహర|

పదిలముగ బంగారులేడిని పట్టితెమ్ము మనోహరా     
చిక్కకుండిన దాని చర్మము చీల్చితెమ్ము మనోహరా
|నా మనోహర|

అదిగొ చూడుము ప్రాణనాధ బెదరకను తానున్నది
పరుగులెత్తుతు పర్ణశాల చుట్టు తిరుగుతున్నది

పాలుపోసి పెంచుకుందు పసిబిడ్డవోలెను
అడవులకు మీరు పోయినపుడాటలాడు కుందును
|నా మనోహర|