వసంతకాలపు పువ్వులం
వానా కాలపు చినుకులం
నవ్వీ నవ్విస్తూ చిందులేస్తూ
నట్టింట తిరిగే పిల్లలం(2)
"వసంతకాలపు పువ్వులం"
వెనుక ముందు తరాల నడుమ
వెలిగే చిరు వేకువ రేకలం(2)
భవితవ్యపు బాటలలో
చీకటులను తొలగిస్తాం(2)
చీకటులను తొలగిస్తాం
"వసంతకాలపు పువ్వులం"
మహానీయులు మసలిన నేల-
మొలచినట్టి మొలకల మేము(2)
దేశ మాత ప్రగతి రథానికి
ఆశయాల పూలందిస్తాం(2)
ఆశయాల పూలందిస్తాం
"వసంతకాలపు పువ్వులం"
బాపూజీ చాచా నెహ్రూ
కలలుగన్న భరతావనిని(2)
సమత, మమత సందర్శించే
మానవతకు గుడిగా చేస్తాం(2)
మానవతకు గుడిగా చేస్తాం
"వసంతకాలపు పువ్వులం"