పువ్వులున్నాయ్ పువ్వులు!
మల్లె పువ్వులు, మొగలి పువ్వులు
మాలతీ మందార పువ్వులు
పువ్వులున్నాయ్ పువ్వులు!

ఎవ్వరెరుగని తోటనుంచీ
పువ్వులెన్నో‌కోసి తెచ్చా
పువ్వులున్నాయ్ పువ్వులు!

బాట చివ్వర కోటలో ఒక
చోట చక్కని తోట ఉన్నది
తోట లోపల పూట పూటా
పాట పాడే పిట్టలున్నవి
చెట్టు చెట్టుకు పోయి పిట్టలు
చిట్టి పాటలు పాడగానే
పాటలన్నీ పువ్వులై ఆ
తోటనిండావిరగబూస్తాయ్! “పువ్వులున్నాయ్ పువ్వులు!

సన్నజాజులు, బొండు మల్లెలు
సాటి లేని గులాబి గుత్తులు
కమ్మ కమ్మని కొమ్మ సంపంగి
గుమ్ముగుమ్మను పొగడ పువ్వులు
పువ్వులున్నాయ్ పువ్వులు..