సర్వమతాలకు నిలయం వేదాలకు ఆలయం
ఇదే ఇదే మన భారతం భావి పౌరులకు అంకితం
"సర్వమతాలకు"

ఉత్తర హిమగిరి శిఖరం దిగువన సాగర సదనం
గంగా యమున బ్రహ్మపుత్ర జీవనదులు ప్రవహించే దేశం
"సర్వమతాలకు"

అశోకుడిచ్చిన ధర్మ చక్రమూ గాంధీ నడిపిన సత్యాగ్రహమూ
ఆంగ్లేయులను తరిమి కొట్టిన రామరాజులు పుట్టిన దేశం
"సర్వమతాలకు"

వాల్మీకి ఇచ్చిన రామాయణము వేద వ్యాసుడి మహాభారతం
ప్రపంచానికి సున్నా నేర్పిన ఆర్యభట్టును కన్న దేశం
"సర్వమతాలకు"

చంద్రుని మీద వేసెను పాగా రాకెట్లు పంపే శ్రీహరి కోట
నాలుగు దిక్కులా విస్తరించిన ఐటి నిపుణులు ఉన్న దేశం
"సర్వమతాలకు"